پاکستان میں بڑھتی ہوئی مہنگائی نے موٹرسائیکلوں کی قیمتوں کوبھی آسمان پر پہنچا دیا ہے، جس کی وجہ سے موٹرسائیکل کمپنیوں کو فروخت میں شدید کمی کا سامنا کرنا پڑ رہا ہے۔
صارفین کو متوجہ کرنے اور فروخت کو بڑھانے کے لیے کمپنیوں نے مختلف پرکشش آفرز متعارف کرانا شروع کر دی ہیں۔ اسی سلسلے میں یاماہا نے اپنی موٹر سائیکلوں کی فروخت کو فروغ دینے کے لیے ایک خصوصی پروگرام متعارف کرایا ہے۔ اس پروگرام کے تحت صارفین اپنی پرانی موٹر سائیکل کسی بھی کمپنی کی لائیں اور بقیہ رقم ادا کر کے یاماہا کی نئی موٹر سائیکل خرید سکتے ہیں۔
یہ ایکسچینج پروگرام یاماہا کے مقبول ماڈلز جیسے YBR 125، YBR 125G، YB 125Z، اور YB 125Z-DX کے لیے دستیاب ہے۔ اگر آپ نئی موٹرسائیکل خریدنے کا ارادہ رکھتے ہیں، تو یہ آفر آپ کو یاماہا کی نئی موٹرسائیکل بآسانی حاصل کرنے کا موقع فراہم کرتی ہے۔
مثال کے طور پر یاماہا YBR 125 کو دیکھیں، جس میں 125 سی سی 4-اسٹروک انجن اور 5-اسپیڈ گیئر باکس شامل ہے، جو شاندار پرفارمنس فراہم کرتا ہے۔ اس کی آرام دہ سیٹنگ پوزیشن اور مضبوط سسپنشن اسے شہر کے سفر اور طویل فاصلے دونوں کے لیے مثالی بناتی ہیں۔
جدید ڈیزائن، سیلف اسٹارٹراور فیول ایفیشینٹ انجن اس موٹرسائیکل کو اسٹائل اور آرام کے ساتھ سواری کا بہترین تجربہ فراہم کرتے ہیں۔ یاماہا YBR 125 کی قیمت 4 لاکھ 66 ہزار روپے ہے اور کمپنی نے اس موٹرسائیکل کو قسطوں پر خریدنے کی سہولت بھی فراہم کی ہے۔
By 
