پاکستان انٹر نیشنل ائیر لائن اور سول ایوی ایشن اتھارٹی کو گزشتہ چاربرس میں یورپی روٹس پر پابندی کےسبب ساڑھے چار سو ارب روپے کے نقصان کا سامنا کرنا پڑا ہے۔
تفصیلات کے مطابق نجکاری کمیشن کی جانب سے جاری معلومات کے مطابق گزشتہ ساڑھے چار برسوں میں پی آئی اے کو تقریباً 220 ارب روپے کا نقصان ہوا، اور یورپی روٹس پر پابندی کے باعث سول ایوی ایشن کو بھی 250 ارب کا نقصان ہوا ہے۔
نجکاری کمیشن حکام کے مطابق یورپی روٹس بحال ہونا پی آئی اے کی نجکاری میں اہم سنگ میل ثابت ہو گا، یورپی روٹس کے بعد پی آئی اے کیلئے یوکے کے روٹس جلد بحال ہونے کا امکان ہے۔
نجکاری کمیشن حکام کا کہنا ہے کہ یو کے کیلئے پاکستان انٹرنیشنل ائیرلائنز کے فلائی روٹس بند ہونے کا تخمینہ بھی لگایا جائے گا، پی آئی اے کی نجکاری سے قبل یوکے کیلئے روٹس بحال کرانے کی کوشش کی جا رہی ہے، پی آئی اے کی نجکاری کیلئے جی ٹو جی معاہدے کے تحت فروخت کیلئے بات چیت بھی چل رہی ہے۔
By 
