حکومتی مطالبے پر پی ٹی آئی سے مذاکرات ڈیڈ لاک کا شکارہوئے: سردارلطیف کھوسہ

پاکستان تحریک انصاف کے مرکزی رہنما ءلطیف کھوسہ نے دعویٰ کیا ہے کہ حکومتی مطالبے پرپی ٹی آئی سے مذاکرات ڈیڈ لاک کا شکارہوئے۔

تفصیلات کے مطابق لاہور میں نجی ٹی وی چینل سے گفتگو میں سردارلطیف کھوسہ کا کہنا تھا کہ پی ٹی آئی کے احتجاج کے دوران بانی پارٹی کی اہلیہ بشریٰ بی بی کی موجودگی سے کار کنوں میں جوش وجذبہ پیدا ہوا ۔

یہ بھی پڑھیں:پی ٹی آئی احتجاج : عمران خان نے ڈی چوک جانے کا کہا تھا یا نہیں؟ علی محمد خان کی مبینہ آڈیو لیک

وزیر اعلیٰ خیبر پختونخوا نہیں چاہتے تھے کہ بشریٰ بی بی احتجاج میں شامل ہوں، علی امین گنڈا پور کا خیال تھا کہ ہمیں بشریٰ بی بی کی حفاظت کرنا پڑے گی۔ لطیف کھوسہ کا کہنا تھا کہ علی امین احتجاج کو لیڈ کررہےتھے۔

کارکنان کی بڑی تعداد دیکھ کرحکومت گھٹنےٹیک چکی تھی، بانی عمران خان سے ملاقات کے لیے وفاقی حکومت نےجیٹ فراہم کیااسی طیارے کےذریعےبیرسٹرسیف کواڈیالہ بھیجا گیا۔

یہ بھی پڑھیں:پی ٹی آئی پر پابندی اور کے پی میں گورنر راج لگتا نظر نہیں آرہا :  فیصل واوڈا

رہنما تحریک انصاف نے کہا کہ حکومت بانی پی ٹی آئی کی رہائی کیلئے تیار تھی، اس کا مطالبہ تھا کہ پہلےاحتجاج کوموخرکریں ، بلاول بھٹو زرداری پر تنقید کی اور کہا کہ بلاول ابھی سیاسی میچورنہیں ہوا ۔

ان کا مزید کہنا تھا کہ وفاقی حکومت نےسنگجانی میں ہمیں احتجاج کرنے کا کہا لیکن سنگجانی کے لیے پارٹی میں کسی ایک  نے بھی رضا مندی  ظاہر نہیں کی ۔