پی ٹی آئی احتجاج:علی امین گنڈاپور اور بشریٰ بی بی کے ہمراہ قافلہ پنجاب میں داخل

پی ٹی آئی احتجاج:علی امین گنڈاپور اور بشریٰ بی بی کے ہمراہ قافلہ پنجاب میں داخل

وزیر اعلیٰ خیبر پختونخوا علی امین گنڈا پور کی قیادت میں قیادت میں پی ٹی آئی کا قافلہ پنجاب میں داخل ہوگیا ، بشریٰ بی بی بھی پی ٹی آئی کے احتجاجی قافلے میں شامل ہیں تاہم بشریٰ بی بی الگ گاڑی میں سوار ہیں۔

پولیس کی جانب سے قافلے کیلئے پہلی رکاوٹ موٹروےغازی بروتھا نہرپل پر لگائی گئی ہے ،غازی بروتھانہرپل پر احتجاجی قافلے کوتعینات فورسز اور رکاوٹوں کاسخت مزاحمت کا سامنا ہوگا۔

قبل ازیں وزیراعلیٰ خیبر پختونخوا علی امین گنڈاپور نے وفاقی اور پنجاب حکومت کو چیلنج کرتے ہوئے کہا ہے کہ وہ جتنے بھی راستے بند کریں گے، پی ٹی آئی کا قافلہ انہیں کھولے گا اور ڈی چوک پہنچے گا۔

 وزیراعلیٰ نے پشاور ٹول پلازہ پہنچنے کے بعد میڈیا سے بات کرتے ہوئے کہا کہ عمران خان کی رہائی کے لیے تحریک کا آغاز ہو چکا ہے اور عوام کا سمندر ان کے ساتھ ہے۔

پی ٹی آئی کے مرکزی رہنما اسلام آباد روانگی سے قبل گرفتار

علی امین گنڈاپور نے کہا کہ جتنا بھی وقت لگے، ہم ڈی چوک تک پہنچیں گے، چاہے جتنا تشدد کرلیں، عوام نکل چکے ہیں اور ہماری تحریک کا راستہ روکا نہیں جا سکتا۔ انہوں نے واضح کیا کہ تحریک انصاف کے کارکنان کسی بھی قیمت پر اسلام آباد پہنچ کر اپنے مطالبات منوائیں گے اور اس دوران کوئی بھی رکاوٹ یا کنٹینر ان کی پیش قدمی کو روک نہیں سکے گا۔

وزیراعلیٰ نے مزید کہا کہ عمران خان کی رہائی سمیت تمام مطالبات کی منظوری تک وہ ڈی چوک پر بیٹھ کر احتجاج کریں گے۔ ان کے ترجمان نے بھی اس بات کی تصدیق کی ہے کہ چاہے کتنی ہی سڑکیں بند کی جائیں یا کنٹینر لگائے جائیں، پی ٹی آئی اسلام آباد پہنچ کر اپنے مطالبات پر احتجاج کرے گی۔ ترجمان کے مطابق راستے کھولنے کے لیے سرکاری مشینری کے بجائے پرائیوٹ مشینری کا استعمال کیا جائے گا۔

بانی پی ٹی آئی عمران خان کی رہائی ہمارا مشن ہے: عمر ایوب

دوسری جانب وفاقی حکومت نے واضح کیا ہے کہ عدالتی احکامات کی روشنی میں اسلام آباد میں کسی بھی قسم کے احتجاج یا دھرنے کی اجازت نہیں دی جائے گی اور خلاف ورزی کرنے والوں کے خلاف قانون حرکت میں آ جائے گا۔ وفاقی حکومت نے اس سلسلے میں سخت اقدامات اٹھاتے ہوئے اسلام آباد کی طرف جانے والے تمام راستوں کو سیل کر دیا ہے اور پولیس و ایف سی کی نفری کو کے پی اور پنجاب کے سنگم پر تعینات کر دیا ہے۔

Related Articles

Leave a Reply

Your email address will not be published. Required fields are marked *