وزیر اعلیٰ پنجاب مریم نواز نے اپنی چھت اپنا گھر اسکیم کے تحت لوگوں کو تین مرلہ کے پلاٹ فراہم کرنے کی نئی اسکیم کے اجرا کی منظوری دی ہے۔
رواں سال 8 فروری کے عام انتخابات میں مسلم لیگ (ن) کی کامیابی کے بعد پنجاب میں اقتدار میں آنے کے بعد مریم نواز نے معاشرے کے پسماندہ طبقے کو ریلیف فراہم کرنے کے لیے مختلف منصوبوں کا اعلان کیا، جن میں بے گھر افراد کو مکانات کی فراہمی کا بھی اعلان شامل تھا۔
تازہ ترین پیش رفت میں وزیر اعلیٰ پنجاب نے جمعہ کو لاہور میں کابینہ کے اجلاس کی صدارت کرتے ہوئے پنجاب کی تین مرلہ پلاٹ اسکیم کی منظوری دی۔ وزیر اعلیٰ نے اعلان کیا کہ اس سکیم کا آغاز پنجاب کے شہر چشتیاں سے کیا جائے گا، جہاں شہریوں کو 666 پلاٹ الاٹ کیے جائیں گے۔
پنجاب تین مرلہ پلاٹ کی رجسٹریشن کے بارے میں صوبائی حکومت نے ابھی تک کوئی اپ ڈیٹ شیئر نہیں کی ہے، تاہم تفصیلات جیسے ہی آن لائن دستیاب ہوں گی، عوام کو آگاہ کر دیا جائے گا۔
اجلاس کے دوران “اپنی چھت اپنا گھر” منصوبے کے حوالے سے بھی بتایا گیا کہ 927 درخواست گزاروں کو قرضوں کی پہلی قسط فراہم کی جا چکی ہے۔ اس کے علاوہ، اس منصوبے کے تحت مکمل ہونے والے پہلے پانچ گھروں کے لیے فرنیچر اور دیگر ضروری سامان تحفے میں دینے کی بھی منظوری دی گئی۔
By 
