تحریک انصاف کے احتجاج کے پیش نظر پولیس اور انتظامیہ نے اڈیالہ جیل جانے والے تمام راستے بند کر دیے۔
تفصیلات کے مطابق اڈیالہ جیل کی طرف جانے والے تمام راستوں کو مکمل طور پر سیل کر دیا گیا ہے اور جیل جانے والی مرکزی شاہراہ کو ہر طرح کی ٹریفک کے لیے بند کر دیا گیا۔ اڈیالہ جیل روڈ پر جگہ جگہ پولیس کی نفری تعینات کی گئی ہے اور جیل جانے والے راستوں پر کنٹینرز کھڑے کر دیے گئے ہیں جس سے رہائشیوں کو شدید مشکلات کا سامنا ہے۔
پولیس حکام کا کہنا ہے کہ اڈیالہ جیل کی طرف کسی بھی مظاہرے کی اجازت نہیں دی جائے گی۔ انتظامیہ نے پی ٹی آئی کے اسلام آباد کی جانب مارچ کے پیش نظر سخت سیکیورٹی اقدامات اٹھائے ہیں۔ جس کے دوران دارالحکومت اسلام آباد اور راولپنڈی کے مختلف راستوں کو بند کر دیا گیا ہے تاکہ امن و امان کی صورتحال کو برقرار رکھا جا سکے۔
By 
