اسلام آباد انتظامیہ کی طرف سے پی ٹی آئی کے ممکنہ احتجاج سے نمٹنے کیلئے تیاریاں جاری ہیں ۔ پنجاب پولیس کے 19000 افسر و جوان اسلام آباد پہنچ گئے۔
تفصیلات کے مطابق ذرائع کا کہنا ہے کہ پنجاب سے اسلام آباد پہنچنے والے پولیس اہلکاروں میں ایلیٹ فورس کے تربیت یافتہ 4ہزار کمانڈوز اور 2000 لیڈی کمانڈوز بھی شامل ہیں، پنجاب پولیس کی 105 قیدی وینز بھی اسلام آباد پہنچا دی گئیں۔
واضح رہے کہ اسلام آباد پولیس نے پنجاب، سندھ اور آزادکشمیر سے پولیس کی بھاری نفری مانگی تھی۔ اس کے علاوہ اسلام آباد پولیس نے ایف سی اور رینجرز سے بھی اضافی نفری طلب کی تھی۔
دریں اثناء شہر کے داخلی اور خارجی راستوں پر درجنوں کنٹینرز پہنچا دئیے گئے ہیں اور وفاقی پولیس کے اہلکاروں اور افسرو ں کی چھٹیاں بھی منسوخ کردی گئی ہیں۔
By 
