صرف 500 درہم میں ٹیسلا کی گولڈ پلیٹڈ الیکٹرک گاڑی حاصل کرنے کا سنہری موقع

دبئی: گاڑیوں کے شوقین افراد کیلئے 24 قیراط کے اصلی سونے کی سنہری چمچماتی گاڑی دبئی کے ’گولڈ سوق ایکسٹنشن ڈرا‘ میں نمائش کیلئے پیش کر دی گئی۔ یہ الیکٹرک گاڑی کوئی بھی شخص صرف 500 سو درہم خرچ کر کے حاصل کر سکتا ہے۔

ٹیسلا کمپنی کی یہ سنہری الیکٹرک آئیکونک گاڑی اپنے جدید ترین ڈیزائن کی وجہ سے مشہور ہے، دبئی گولڈ سوق ایکسٹینشن‘ تقریباً 300 دکانوں پر مشتمل شاپنگ سینٹر ہے۔ 29 دسمبر تک 500 درہم کی خریداری کرنیوالا شخص قرعہ اندازی کے ذریعے اس لکی ڈرا میں شامل ہو سکے گا ۔

یہ بھی پڑھیں: ٹیوٹا کا اپنی مشہور زمانہ گاڑی سستی کرنےکا اعلان

رپورٹس کے مطابق 500 درہم کی خریداری کرنیوالے شخص کو الیکٹرک گاڑی کی قرعہ اندازی میں شمولیت کیلئے ایک ٹکٹ دیا جائے گا۔ سونے کی پلیٹوں والا یہ ٹیسلا سائبرٹرک جیتنے والے خوش نصیب کا اعلان 29 دسمبر کو ہی کیا جائے گا۔

گولڈ پلیٹڈ گاڑی کی قیمت سامنے نہیں آسکی ہے تاہم سونے کی پلیٹنگ کے بغیر اس گاڑی کی مارکیٹ میں قیمت تقریباً 4 لاکھ 90 ہزار اماراتی درہم ہےجو پاکستانی رروپے میں تین کرو ڑ 71 لاکھ 3 ہزار 525 روپے سے زائد بنتی ہے ۔