محکمہ موسمیات نے بارش اور برفباری سے متعلق بڑی پیشگوئی کردی

محکمہ موسمیات نے ملک میں جاری سموگ اور اس سے پھیلنے والی بیماریوں سے تنگ شہریوں کو بارش اور برف باری کی پیشگوئی کرتے ہوئےخوشخبری سنادی۔

  محکمہ موسمیات کے مطابق آج رات ملک کے بیشتر علاقوں میں موسم خشک جبکہ پہاڑی علاقوں میں سرد رہنے کا امکان ہے، خیبر پختونخوا کے میدانی علاقوں اور پنجاب کے زیادہ تر علاقوں میں سموگ چھائے رہنے اور شدید دُ ھند پڑنے کا امکان ہے۔

  محکمہ موسمیات  کا کہناہے کہ اسلام آباد اور گردونواح میں موسم خشک جبکہ سموگ اور صبح / رات کے اوقات میں دُھند چھائے رہنے کا امکان ہے۔

  خیبر پختونخوا کے بیشتر اضلاع میں موسم خشک اور بالائی اضلاع میں سرد رہے گا تاہم  رات کے دوران چترال ، دیر، سوات، بٹگرام اور کوہستان میں مطلع ابرآلود رہنے کے علاوہ چند مقامات پر بارش اور پہاڑوں پر برفباری کی توقع ہے ۔

 پشاور، چار سدہ ، نوشہرہ ،مردان ، صوابی، کوہاٹ ، بنوں، لکی مروت،ڈیرہ اسماعیل خان اور گر دو نواح میں صبح /رات کے اوقات میں سموگ/ دُ ھند پڑنے کی توقع ہے۔

یہ بھی پڑھیں : پی آئی اے کی خریداری ، کے پی سرمایہ کاری بورڈ کا وفاقی وزیر نجکاری کو ایک اور خط ارسال

پنجاب کے بیشتر اضلاع میں موسم خشک جبکہ  لاہور، قصور،اوکاڑہ ، سیالکوٹ، حافظ آباد،ٹوبہ ٹیک سنگھ، جھنگ، نارووال ، اٹک، ، گجرات، گوجرانوالہ ، سرگودھا، بھکر ،خانیوال، خانپور، رحیم یار خان،ڈی جی خان اور گردونواح میں سموگ چھائے رہنے جبکہ صبح /رات کے اوقات میں شدید دھند کا امکان ہے ۔

 بلوچستان کے بیشتر اضلاع میں موسم خشک جبکہ پہاڑی علاقوں میں صبح یا رات کےاوقات میں سرد رہنے کا امکان ہے، سندھ کے بیشتر اضلاع میں موسم خشک رہنے   تاہم سکھر، لاڑکانہ، کشمور، خیر پور اور گر دو نواح میں صبح اور رات کے اوقات میں دُ ھند چھائے رہنے کا امکان ہے۔

  کشمیر اور  گلگت بلتستان میں رات کے اوقات میں مطلع ابرآلود رہنے کے علاوہ چند مقامات پر بارش اور پہاڑوں پر برفباری کی توقع ہے۔