پنجاب کے دفتری عملے کو فضائی آلودگی کے پیش نظر آن لائن کام کرنے کی ہدایت جاری کر دی گئی ہے۔
ڈی جی ماحولیات پنجاب ڈاکٹر عمران حامد نے تمام سیکریٹریز اور سربراہان کو مراسلہ جاری کرتے ہوئے حکم دیا ہے کہ دفاتر میں صرف 50 فیصد عملے کو بلایا جائے گا جبکہ باقی 50 فیصد عملہ گھروں سے کام کرے گا۔
مراسلے کے مطابق مختلف محکموں کے درمیان میٹنگز بھی آن لائن کرنی ہوں گی تاکہ فضائی آلودگی کو کم کیا جا سکے۔ اس فیصلے کا مقصد سڑکوں پر ٹریفک میں کمی لانا اور اسموگ کے خطرات کو کم کرنا ہے کیونکہ ٹرانسپورٹ سے خطرناک مادوں کا اخراج فضائی آلودگی میں اضافے کا سبب بن رہا ہے۔
ڈاکٹر عمران حامد نے کہا کہ دفاتر آنے والے افراد کو کار پولنگ کرنے کا پابند بنایا جائے گا تاکہ کم سے کم گاڑیاں سڑکوں پر آئیں اور اسموگ کو کنٹرول کیا جا سکے۔ یہ فیصلہ پنجاب کے تمام سرکاری، نیم سرکاری اور خود مختار اداروں پر لاگو ہوگا اور اس کا فوری اطلاق کیا جائے گا۔
By 
