گھی اور کوکنگ آئل کی قیمتوں میں ایک بار پھر اضافہ

گھی اور کوکنگ آئل کی قیمتوں میں مزید اضافہ ہوگیا۔

تفصیلات کے مطابق درجہ اول کے گھی اور آئل کی قیمت میں 54 روپے فی کلو کا اضافہ کیا گیا ہےجبکہ درجہ دوم اور سوم کے گھی اور آئل کی قیمتوں میں 60 روپے فی کلو تک اضافہ ہوا۔

مزید پڑھیں: چینی، گھی، کوکنگ آئل قیمتوں کے حوالے سے اہم خبر

پرچون سطح پر درجہ اول گھی اور آئل کی قیمت 505 روپے سے بڑھ کر 559 روپے فی کلو تک پہنچ گئی ہے جبکہ درجہ دوم گھی اور آئل کی قیمت 440 روپے سے بڑھ کر 500 روپے تک جا پہنچی ہے۔

مختلف مقامات پر پرچون میں گھی اور آئل 525 سے 530 روپے کے درمیان فروخت ہو رہا ہے۔اسی طرح درجہ دوم 452 روپے فی لیٹر والا آئل اب 512 روپے سے بڑھ کر 530 سے 540 روپے فی لیٹر تک فروخت کیا جا رہا ہے۔

گھی اور کوکنگ آئل کی قیمتوں میں اضافے نے مہنگائی کے ستائے لوگوں کی مشکلات میں مزید اضافہ کر دیا ہے۔