سموگ کا دائرہ خیبر پختونخوا تک پھیل گیا، پشاور آلودہ ترین شہرقرار

 سموگ کا دائرہ پنجاب سے نکل کر خیبر پختونخوا تک پھیل گيا، پشاور 657 پارٹکیولیٹ میٹرز کے ساتھ ملک کا آلودہ ترین شہر رہا۔

چارسدہ روڈ، یوسف آباد اور کینٹ میں بھی فضائی آلودگی اس وقت خطرناک صورتحال اختیار کر چکی ہے، پشاور کی فضا انتہائی مضر صحت قرار دی گئی ہے۔

ملک میں آلودہ ترین شہروں کی درجہ بندی میں ملتان 439 پوائنٹس کے ساتھ دوسرے اور لاہور 339 پوائنٹس کے ساتھ تیسرے نمبر پر رہا۔

یہ بھی پڑھیں :ایلون مسک ایک بار پھر 300 ارب ڈالرز کے مالک دنیا کے واحد شخص بن گئے

آج دن میں ایک موقع پر لاہور 586 پوائنٹس کے ساتھ دنیا کا آلودہ ترین شہر رہا، راولپنڈی دن کے ایک وقت 254 اسکور کے ساتھ ملک کا چوتھا آلودہ ترین شہر رہا۔

سموگ کے باعث پنجاب اور خیبر پختونخوا کے متعدد علاقوں میں ناک کان اور گلے کی بیماریوں میں اضافہ ہوگیا ہے۔

یہ بھی پڑھیں : اریج چوہدری خود کو بھارتی اداکاراؤں سے مشابہہ قرار دیئے جانے پر ناخوش

فضائی آلودگی کے باعث فلائٹ آپریشن بھی متاثر ہوا، ملتان کی 6 پروازیں منسوخ جبکہ لاہور کی 2 پروازوں کو سیالکوٹ اور اسلام آباد اُتارا گیا ، ملک بھر میں 29 پروازیں تاخیر کا شکار رہیں۔

سموگ خطے پر کس طرح اثر انداز ہو رہی سیٹلائٹ تصاویر نے صورتحال واضح کردی۔

اس حوالے سے محکمہ موسمیات کا کہنا ہے کہ ہوا کی رفتار نہ ہونے کے باعث آلودگی فضا میں معلق ہوکر رہ گئی ہے، اگلے کئی دنوں تک سموگ کی صورتحال یونہی برقرار رہے گی۔