حکومت نے بجلی صارفین کےلیے ’بجلی سہولت پیکیج‘ کا اعلان کردیا، جو دسمبر 2024ء تا فروری 2025ء تک نافذ العمل ہوگا۔
بجلی کے بلوں سے پریشان عوام کے لیے اچھی خبر ، پاور ڈویژن کے اعلامیہ کے مطابق بجلی کے فی یونٹ پر 26 روپے تک ریلیف دیا جائے گا، گزشتہ سال کے مقابلے اضافی بجلی کے استعمال پر ریلیف ملےگا۔
اضافی بجلی پر 26 روپے7 پیسے فی یونٹ کا فلیٹ ریٹ دیا جائے گا، پیکیج موسم سرما کے 3 ماہ دسمبر 2024 سے فروری2025 کیلئے ہوگا۔
پاور ڈویژن کے مطابق گھریلو صارفین کو ٹیرف پر 11.42s سے 26 روپے تک فی یونٹ ریلیف ملے گا، کمرشل صارفین کو 13روپے 46پیسے 22روپے 71 پیسے تک فی یونٹ ریلیف ملے گا ، صنعتی صارفین کو 5 روپے 72پیسے 15 روپے 5 پیسے تک فی یونٹ بچت ہو گی ۔
پاور ڈویژن کے مطابق بجلی سہولت پیکیج کا اطلاق گھریلو، کمرشل اور صنعتی صارفین پر ہوگا۔
واضح رہے کہ وفاقی وزیر اطلاعات و نشریات عطا اللہ تارڑ نے آج پریس کانفرنس میں کہا تھا کہ وزیراعظم بجلی کے ونٹر پیکیج سے متعلق آج بہت بڑا اعلان کرنے جارہے ہیں ۔
By 
