چائے کے شوقین افراد کیلئے اچھی خبر، پتی کی قیمت میں بڑی کمی

چینی کے بعد یوٹیلیٹی اسٹورز نے چائے کی پتی کی قیمت میں بھی کمی کر دی۔

نجی ٹی وی کے مطابق مختلف برانڈز کی چائے کی پتی 250 روپے تک سستی کر دی گئی ہے، چا ئے کی پتی کی 800 گرام قیمت 200 سے 250 روپے کم کی گئی ہے۔

چا ئے کی پتی کی 800 گرام کی نئی قیمت 1350 سے لے کر 1721روپے مقرر کی گئی ہے، چائے کی پتی کی 430 گرام کی قیمت میں 130 سے لے کر 190روپے کی کمی کی گئی ہے، جس کے بعد نئی قیمت 700 سے لے کر 908 روپے تک ہو گئی ہے۔

یوٹیلیٹی اسٹورز کے ذرائع مطابق قیمتوں میں کمی کا اطلاق فوری طور پر ہو گا۔ واضح رہے کے اس سے قبل چینی فی کلو 13 روپے سستی کی گئی تھی۔