پاکستان سوزوکی موٹرز کمپنی نے اپنے صارفین کے لیے اعلان کیا ہے کہ یکم نومبر 2024 سے تمام گاڑیوں کے ماڈلز کے لیے گریفائٹ گرے رنگ کا آپشن بند کر دیا جائے گا۔
پی ایس ایم سی نے اپنے مجاز ڈیلرشپ کو ہدایت کی ہے کہ وہ اس رنگ میں گاڑیوں کے نئے آرڈرز لینا بند کر دیں لیکن کمپنی نے اس فیصلے کی وجوہات ظاہر نہیں کیں۔
اس فیصلے کے پیچھے سپلائی چین میں رکاوٹیں، صارفین کی رنگوں کے حوالے سے ترجیحات میں تبدیلی، لاگت کے تحفظات، پروڈکشن کے عمل کی سادگی، برانڈنگ حکمت عملی یا ریگولیٹری تقاضوں جیسی ممکنہ وجوہات شامل ہیں۔
بعض رنگوں کی پروڈکشن لاگت دوسرے رنگوں کے مقابلے میں زیادہ ہو سکتی ہے، جس سے قیمت پر اثر پڑتا ہے۔ کم مقبول رنگوں کو بند کرنے سے کمپنی کے اخراجات میں کمی آ سکتی ہے اور منافع میں اضافہ ہو سکتا ہے۔
مزید یہ کہ رنگوں کے آپشنز میں کمی کرنے سے پروڈکشن کا عمل اور انوینٹری مینجمنٹ آسان ہو سکتا ہے، جس سے کارکردگی میں بہتری آ سکتی ہے۔گاڑیوں کے رنگ کے حوالے سے صارفین کی ترجیحات وقت کے ساتھ بدلتی رہتی ہیں۔
اگرچہ گریفائٹ گرے رنگ سوزوکی کے صارفین میں کافی مقبول رہا ہے، اس رنگ کے آپشن کا بند ہونا کمپنی کی رنگ اسکیم اور مارکیٹنگ حکمت عملی میں تبدیلی کا اشارہ ہو سکتا ہے۔
اس فیصلے کے ذریعے کمپنی ممکنہ طور پر نئے رنگوں کو متعارف کرانے یا برانڈ کی امیج کو دوبارہ بہتر بنانے کی کوشش کر رہی ہے۔پاکستان سوزوکی نے اپنے ڈیلرشپ کو سختی سے ہدایت کی ہے کہ وہ گریفائٹ گرے رنگ میں گاڑیوں کے نئے آرڈرز نہ لیںاور صارفین کو دستیاب رنگوں میں سے کسی ایک کا انتخاب کرنا ہوگا۔
By 
