لائیو اسٹاک کارڈ کیلئے رجسٹریشن کا آغاز، مویشی پال کسانوں کیلئے 2لاکھ 70ہزار تک بلاسود قرضہ شامل

وزیر اعلی پنجاب لائیو اسٹاک کارڈ کے اجرا ء کے لئے مویشی پال کسانوں کی رجسٹریشن کا آغاز ہوگیا۔

مویشی پال منصوبے کے تحت135000روپے سے 270000روپے تک 5ماہ کیلئے بغیر سود کے قرضہ حاصل کرسکیں گے۔

تمام ویٹرنری ہسپتالوں اور ڈسپنسریوں میں سہولت ڈیسک بھی قائم کئے گئے،ڈائریکٹر لائیو اسٹاک کے مطابق مویشی پال منصوبے کے تحت135000روپے سے 270000روپے تک 5ماہ کیلئے بغیر سود کے قرضہ حاصل کرسکیں گے۔

درخواست گزار صوبہ پنجاب کا رہائشی،اصل قومی شناختی کارڈ کا حامل ہو،درخواست گزار کی موبائل فون سم ایکٹو اور اس کے نام پر رجسٹرڈ ہونی چاہیے، کم از کم 5سے 10 کٹوں / بچھڑوں کا مالک ہو۔

دوہفتوں میں تیسری مرتبہ گھی اور کوکنگ آئل مزید مہنگا

قرضہ لینے کا خواہش مند مویشی پال8070 پر اپنا شناختی کارڈ نمبر مسیج کریں،الیکٹرانک کریڈٹ انفارمیشن بیورو کے ادارے سے صاف کریڈٹ ہسٹری کے حامل ہونے کی تصدیق ہو گی،نادرا اور نیکٹا کے اداروں سے شناخت اور کردار کی تصدیق بھی ہوگی۔

لائیو سٹاک کا ڈیٹا بیس 9211 پر رجسٹرڈ ہونا ضروری ہے۔قرض کا مکمل دورانیہ زیادہ سے زیادہ 150دن ہو گا،مویشی پال قرض کی رقم سے جانوروں کی خوراک ونڈا،سائیلیج اور نمکیاتی آمیزہ خرید سکیں گے۔