دوہفتوں میں تیسری مرتبہ گھی اور کوکنگ آئل مزید مہنگا

اوپن مارکیٹ میں گھی مہنگا ہونے کا سلسلہ جاری ہے،دوہفتوں میں تیسری مرتبہ گھی اور کوکنگ آئل مزید مہنگا ہوگیا۔

درجہ دوم کے12 کلولیٹر آئل کی پیٹی 85 روپے اور گھی کی پیٹی50 روپے مہنگی ہو گئی، کوکنگ آئل کی پیٹی6020 روپے جبکہ گھی کی پیٹی 5906روپے کی ہو گی۔

گھریلو صارفین کے لیے گیس کی قیمتوں میں چوتھی مرتبہ اضافے کا امکان

درجہ اول گھی کی پانچ پیک والی پیٹی اور آئل 100 روپے تک مہنگا ہوگیا جس سے اس کی قیمت2775  روپے تک پہنچ گئی،درجہ دوم آئل کی ہول سیل میں فی لیٹر قیمت502 جبکہ پرچون میں 510 سے 515 روپے فی لیٹر تک پہنچ گئی ہے۔

درجہ دوم گھی کی ہول سیل493 اور پرچون سطح پر 500 سے 502 روپے تک پہنچ گئی ہے،درجہ اول فی کلوگرام گھی ہول سیل میں 555 روپے اور پرچون میں 565 کلو ہو گیا۔