پنجاب حکومت نے اسموگ کے تدارک کیلئے لاہور کے مختلف علاقوں میں گرین سمارٹ لاک ڈاؤن لگادیا۔
پنجاب کی جانب سے جاری اعلامیے میں کہا گیا ہے کہ گرین لاک ڈاؤن کے ایریاز میں تعمیراتی سرگرمیوں سمیت چنگ چی رکشوں پر بھی پابندی عائد کی ہے ۔ اس کے علاوہ کمرشل جنریٹر چلانے پر بھی مکمل پابندی ہو گی ۔ گرین لاک ڈاؤن والے علاقوں میں باربی کیو اور کھلےفوڈ پوائنٹس پر رات 8 بجے کے بعد مکمل پابندی ہو گی ۔
نوٹیفکیشن کے مطابق ڈیوس روڈ، کشمیر روڈ، ایبٹ روڈ پر شملہ پہاڑی سے گلستان سینما ، ایمپریس روڈ شملہ پہاڑی سے ریلوے ہیڈ کوارٹر تک ،کوئن روڈ ، علامہ اقبال روڈ کے اطراف میں لاک ڈاؤن ہوگا۔
پنجاب حکومت نے انتباہ جاری کیا ہے کہ گرین لاک ڈاؤن کی خلاف ورزی کرنے والوں کے خلاف سخت کارروائی کی جائے گی۔ قبل ازیں اسموگ کے تدارک کیلئے پنجاب حکومت نے لاہور میں سمارٹ لاک ڈاؤن لگانے کا عندیہ دیا تھا۔ انہوں نے بتایا تھا کہ زیادہ اسموگ والے علاقوں میں لاک ڈاؤن کا نفاذ کیا جائے گا۔
میڈیا سے بات چیت کے انہوں نے کہا کہ ہمیں الیکٹرک گاڑیوں کے استعمال کی طرف جانا ہوگا۔ وہیکل فٹنس سرٹیفکیٹ گاڑی مالکان کی ذمہ داری ہوگی۔ انہوں نے کہا کہ لاہور کے زیادہ سموگ والے علاقوں میں چار پانچ علاقوں میں گرین لاک ڈاؤن ہوگا۔
By 
