میٹا کا واٹس ایپ میں کانٹیکٹس کے سسٹم میں بڑی تبدیلی کا اعلان

سوشل میڈیا کمپنی میٹا نے واٹس ایپ میں ایک اہم تبدیلی کا اعلان کیا ہے، جس کے تحت کانٹیکٹس کے سسٹم کو مکمل طور پر تبدیل کیا جا رہا ہے۔

تفصیلات کے مطابق موجودہ نظام میں واٹس ایپ میں محفوظ ہونے والے کانٹیکٹس صرف آپ کے پرائمری فون میں موجود ہوتے ہیں، اور دیگر لنکڈ ڈیوائسز پر انہیں محفوظ کرنا ممکن نہیں ہوتا۔ اس کی وجہ سے اگر آپ کا فون گم یا خراب ہو جائے، تو آپ کو واٹس ایپ میں ان کانٹیکٹس کو دوبارہ محفوظ کرنا پڑتا ہے۔ اسی مسئلے کے حل کے لیے واٹس ایپ نے نیا کانٹیکٹ منیجر متعارف کرانے کا فیصلہ کیا ہے۔

یہ بھی پڑھیں: قاضی فائز عیسی کو پارٹی میں شمولیت کی دعوت، فضل الرحمان کا ردعمل آگیا

نئی تبدیلی کے بعد تمام کانٹیکٹس براہ راست ایپ میں محفوظ ہوں گے، جس کا مطلب یہ ہے کہ اگر آپ کا فون گم ہو جائے یا تبدیل ہو جائے تو آپ کو انہیں دوبارہ محفوظ کرنے کی ضرورت نہیں پڑے گی۔کمپنی نے بتایا ہے کہ یہ فیچر آئندہ چند ہفتوں میں پہلے واٹس ایپ ویب اور اس کی ونڈوز ایپ کے لیے متعارف کرایا جائے گا، اور اس کے بعد یہ دیگر لنکڈ ڈیوائسز کے لیے بھی دستیاب ہوگا۔

اس تبدیلی کے لیے میٹا نئی ٹیکنالوجی “آئیڈنیٹی پروف لنکڈ اسٹوریج” (آئی پی ایل ایس) کا استعمال کرے گا۔ اس ٹیکنالوجی کے تحت واٹس ایپ میں محفوظ نام اور نمبرز انکرپٹڈ ہوں گے، جس کی وجہ سے صرف آپ کو ہی ان تک رسائی حاصل ہوگی۔