چیف جسٹس قاضی فائز عیسی اور نامزد چیف جسٹس یحیی آفریدی کی اہم ملاقات

اسلام آباد: چیف جسٹس قاضی فائز عیسی اور نامزد چیف جسٹس یحیی آفریدی کے درمیان اہم ملاقات ہوئی، جو چیف جسٹس چیمبر میں منعقد ہوئی۔

ذرائع کے مطابق چیف جسٹس قاضی فائز عیسی نے یحیی آفریدی کو ان کی نامزدگی پر مبارک باد پیش کی، جسے جسٹس آفریدی نے خوشی خوشی قبول کیا۔ یہ ملاقات مقدمات کی سماعت سے پہلے ہوئی تھی، اور بعد میں بھی جسٹس آفریدی نے چیف جسٹس سے دوسری ملاقات کی۔

اس کے علاوہ نامزد چیف جسٹس یحیی آفریدی نے جسٹس منصور علی شاہ کے چیمبر میں بھی حاضری دی، جہاں چیمبر کے اسٹاف نے بھی انہیں مبارک باد دی۔