By مشیر اطلاعات خیبرپختونخوا بیرسٹر سیف نے کہا ہے کہ پاکستان تحریک انصاف (پی ٹی آئی) کا مقابلہ کرنا ہے تو سیاسی میدان میں آئیں۔
تفصیلات کے مطابق معاون خصوصی مشعال اعظم کے ہمراہ میڈیا سے گفتگو کے دوران صوبائی مشیر اطلاعات بیرسٹر سیف کا کہنا تھا کہ تقریباً 100 مقدمات میں ہمارے ساتھیوں کو نامزد کیا گیا ہے۔
اظہار رائے کی آزادی ملکی آئین میں ہے یہاں بات کرنے پرپابندی عائد ہے ، آئینی ترامیم کے خلاف ملک بھر میں احتجاج ہو رہا ہے، عمران خان اور ان کی اہلیہ بشریٰ بی بی سمیت سیکڑوں کارکنوں کی رہائی کے لیے لوگ احتجاج کر رہے ہیں۔
ان کا کہنا تھا کہ مشعال اعظم اور وزیر زادہ پر سیکڑوں مقدمات درج کئے گئے، پی ٹی آئی کا مقابلہ کرنا ہے تو سیاسی میدان میں آئیں، مجھے وزیراعلیٰ علی امین گنڈا پور کی طرف سے احکامات ہیں احتجاج میں شرکت نہ کریں ایسی جگہ رہیں جہاں میڈیا سے رابطہ ہو۔
معاون خصوصی مشعال اعظم نے اس موقع پر کہا کہ ڈی چوک احتجاج کے دوران ہمارے 5 ہزارسے زائد ورکرزکو حراست میں لیا گیا ، ہم پر 100 مقدمات درج کئے گئے جن میں سے 32 کیسز میں دہشت گری کی دفعات بھی شامل کی گئیں، انکا کہنا تھا کہ آنے والے ہفتے میں زیادہ تر کارکنوں کی ضمانتیں ہو جائیں گی۔
یہ بھی پڑھیں:آئینی ترمیم کے حق میں وفاداری کیلئے اربوں کی بولیاں لگ رہی ہیں:عمر ایوب
ان کا مزید کہنا تھا کہ جہلم اور اٹک جیلوں میں کارکنوں کی فیملیز کو ملنے کی اجازت نہیں دی جارہی، ریسکیو اہلکاروں کی رہائی کیلئے اسلام آباد ہا ئی کورٹ سے رجوع کیا ہے، ریسکیو اہلکار وزیراعلیٰ کے پی کے کی آفیشل ڈیوٹی پر تھے، ان کی گرفتاری سمجھ سے بالاتر ہے۔
