موسم سرما کیلئے سرکاری سکولوں کے اوقات کار میں تبدیلی

محکمہ سکول ایجوکیشن پنجاب نے موسم سرما کے لیے سرکاری سکولوں کے اوقات کار میں تبدیلی کا اعلان کیا ہے۔

نئے اوقات کار کے مطابق سکول صبح 8:45 بجے شروع ہوں گے اور چھٹی 2:45 بجے ہوگی۔ جمعہ کے روز چھٹی دوپہر 12:45 بجے ہوگی۔ ڈبل شفٹ سکولوں کے لیے پہلی شفٹ کی چھٹی روزانہ 12:45 بجے ہوگی، جبکہ جمعہ کے روز یہ چھٹی 12 بجے دی جائے گی۔ دوسری شفٹ دوپہر 1 بجے شروع ہوکر شام 5 بجے ختم ہوگی، اور جمعہ کے روز یہ 2 بجے شروع ہوکر 5 بجے تک جاری رہے گی۔

نوٹیفکیشن میں مزید بتایا گیا ہے کہ اساتذہ صبح 8:30 بجے سکول پہنچیں گے اور انہیں دوپہر 3 بجے چھٹی ملے گی۔