By کانگو کی ایک جھیل میں کشتی اُلٹنے کا افسوسناک واقعہ پیش آیا، جس کے نتیجے میں 78 افراد زندگی کی بازی ہار گئے جبکہ درجنوں لاپتہ ہوگئے۔
غیر ملکی میڈٰیا کانگو کے ایک صوبائی گورنر نے بتایا کہ جمعرات کو کانگو کی جھیل کیوو میں 278 مسافروں سے بھری کشتی حادثے کا شکار ہوگئی، جس سے کم از کم 78 افراد جھیل میں ڈوب گئے۔
سوشل میڈیا پر شیئر کی گئی ویڈیو فوٹیج میں ایک بھاری ملٹی ڈیک جہاز کو پانی میں اُلٹتے ہوئے دیکھا جاسکتا ہے جبکہ مسافر تیرتے ہوئے اپنی جان بچانے کی کوششوں میں مصروف ہیں۔
یہ بھی پڑھیں: عثمان خان نے تیز ترین ڈبل سنچری بناکر نیا قومی ریکارڈ بنا ڈالا
رپورٹس کے مطابق جنوبی کیوو صوبے کے گورنر کا کہنا ہے کہ ہلاکتوں کی تعداد 78 تک پہنچ چکی ہے جبکہ کشتی میں 278 افراد سوار تھے اور ا ہلاکتیں بڑھنے کا قوی امکان ہے۔
واضح رہے کہ گزشتہ روز نائیجیریا میں بھی گنجائش سے زیادہ افراد بٹھانے پر کشتی سمندر میں ڈوب گئی تھی، جس میں سوار 300 افراد میں سے 100 لاپتہ ہوگئے، جنہیں تلاش کیا جارہا ہے۔
رپورٹ کے مطابق کشتی نائیجیریا کے ضلع موقوا کے مقام پر دریائے نائیجر میں ڈوبی جس کے ریسکیو کا عمل شروع کردیا گیا ہے۔
