By بجلی کی لوڈ شیڈنگ اور بھاری بلوں سے پریشان پاکستانیوں کے لیے ایک خوشخبری آگئی۔
اگر آپ مہنگی سولر پلیٹیں خریدنے سے تنگ آچکے ہیں تو اب صرف ای پلیٹ سے بھی کام چلایا جا سکتا ہے کیونکہ پاکستان میں 700 واٹ سے زیادہ بجلی پیدا کرنے والی سولر پلیٹ متعارف کروا دی گئی ہے۔
مزید پڑھیں: سولر پینلز کی قیمتیں جاری
سولر ٹیکنالوجی کمپنی “ٹرائناسولر” نے اپنی جدید “ورٹیکس این 720 واٹ” (Vertex N 720W) سیریز کے پینلز پاکستان میں متعارف کرائے ہیں۔ کمپنی کا دعویٰ ہے کہ یہ پینلز جدید این ٹائپ اور آئی ٹاپ کون سیل ٹیکنالوجی کا استعمال کرتے ہوئے زیادہ سے زیادہ 720 واٹ کی پاور آؤٹ پٹ پیدا کر سکتے ہیں۔
کمپنی نے مزید کہا ہے کہ یہ پینلز کم روشنی کے حالات میں بھی بہترین بجلی پیدا کرنے کی صلاحیت رکھتے ہیں۔ علاوہ ازیں انتہائی درجہ حرارت اور الٹرا وائلیٹ انحطاط کو برداشت کرنے کے لیے ان پینلز کی سخت جانچ کی گئی ہے۔
ٹرائناسولر کے مطابق زیادہ پینلز خریدنے کے بجائے آپ کم پینلز سے بھی کام چلا سکتے ہیںکیونکہ ہر ماڈیول کی زیادہ پاور آؤٹ پٹ سے کم پینلز کی ضرورت ہوتی ہے، جس سے ریکنگ، وائرنگ اور مزدوری کے اخراجات میں کمی آتی ہے۔
یہ جدید ٹیکنالوجی پاکستانی صارفین کے لیے ایک قابل قبول اور معقول حل فراہم کرتی ہے۔
