By چیمپئنز ون ڈے کپ میں سعود شکیل کی ڈولفنز کو آخر کار پہلی فتح مل گئی۔
تفصیلات کے مطابق فیصل آباد میں کھیلے گئے ٹورنامنٹ کے 10ویں میچ میں ڈولفنز نے شاہین شاہ آفریدی کی لائنز کو 16 رنز سےہرا دیا ۔
یہ بھی پرھیں:بابر اعظم نے ویرات کوہلی کا ایک اور ریکارڈ توڑ دیا
ڈولفنز نے ٹاس جیت کر پہلے بلے بازی کرتے ہوئے49.3 اوورز میں 10 وکٹوں کے نقصان پر 326 رنز بنائے۔ عمر امین 75 ،محمد اخلاق 52 اور محمد ہریرہ 47رنز کے ساتھ نمایاں اسکورر رہے۔
مطلوبہ ہدف کے تعاقب میں لائنز کی ٹیم 50 اوورز میں 8 وکٹوں کے نقصان پر 310 رنز بناسکی۔ جس میں روحیل نذیر کے 62، خوشدل شاہ کے60 اورمحمد طحہ کے 40 رنز شامل تھے ۔
واضح رہے کہ شاہین اور لائنز اب تک اپنے 4،4 میچز کھیل چکی ہیں جس میں سے دونوں کو ایک ایک میچ میں فتح ملی ہے، پوائنٹس ٹیبل پر ڈولفنز پانچویں اور لائنز چوتھے نمبر پر براجمان ہے۔
یہ بھی پڑھیں:عالمی 6 ریڈ سنوکر چیمپئن شپ : پاکستانی کھلاڑیوں کا فاتحانہ آغاز
