By اسلام آباد میں پی ٹی آئی کے جلسے کے لیے خیبرپختونخوا کے سرکاری وسائل کا بے دریغ استعمال ہونے لگا۔
ریسکیو 1122 کی درجنوں آپریشنل گاڑیاں صوابی پہنچ گئیں۔ جن میں ایمبولینسز، فائر وہیکلز اور دیگر ڈیزاسٹر ویکلز شامل ہیں۔ ممکنہ بند راستے کھولنے کے لیے کرینز، ایکسیوٹرز اور ڈیزاسٹر وہیکلز بھی طلب کی گئی ہیں۔
مزید پڑھیں: اسلام آباد جلسہ، شیر افضل مروت کا اہم بیان آگیا
ڈی جی ریسکیو 1122 نے ہر ضلع سے دو دو گاڑیاں پہنچانے کی سختی سے ہدایات جاری کیں اور درجنوں باوردی ریسکیو اہلکاروں کو گاڑیوں کے ساتھ اسلام آباد تک جانے کی ہدایت دی ہے۔
شمالی اور جنوبی اضلاع سے آنے والے قومی و صوبائی اسمبلی کے ممبران کے قافلوں کے ساتھ بھی ایمبولینسز روانہ کرنے کی ہدایت کی گئی ہے۔
پشاور میں قافلوں کے آگے اور پیچھے دو دو ایمبولینسز موجود ہوں گی اور ریسکیو 1122 کے اہلکار ایمبولنسز کے ساتھ قافلوں کے ہمراہ ہوں گے۔
