By اسلام آباد: ایف آئی اے این سی بی اور انٹرپول نے ایک بڑی کارروائی کرتے ہوئے 13 سال سے پنجاب پولیس کو مطلوب خطرناک اشتہاری ملزم شاویز احمد کو سعودی عرب سے گرفتار کر لیا ہے۔ ملزم کو اسلام آباد ایئرپورٹ منتقل کر دیا گیا ہے۔
شاویز احمد کے خلاف قتل اور اقدام قتل کے مقدمے میں تھانہ بیگوالا، سیالکوٹ میں 2011 میں مقدمہ درج ہوا تھا۔ ملزم گزشتہ 13 سال سے سیالکوٹ پولیس کو مطلوب تھا، اور اس کی گرفتاری کے لیے ایف آئی اے این سی بی انٹرپول نے ریڈ نوٹس جاری کیا تھا۔
یہ بھی پڑھیں: پی ٹی آئی کیساتھ مذاکرات سے متعلق محمود خان اچکزئی کابڑا بیان آگیا
ملزم کی گرفتاری کے بعد، ایف آئی اے امیگریشن اسلام آباد نے اسے پنجاب پولیس کے حکام کے حوالے کر دیا۔ یہ کامیابی انٹرپول اسلام آباد اور انٹرپول ریاض کی قریبی رابطہ کاری کی بدولت ممکن ہوئی۔
ترجمان ایف آئی اے نے بتایا کہ جدید ٹیکنالوجی سے آراستہ این سی بی انٹرپول 24/7 پوری دنیا کے ساتھ رابطے میں ہے اور ملزمان کی گرفتاری کے لیے تمام تر وسائل کو بروئے کار لایا جا رہا ہے۔
