By ترجمان دفتر خارجہ ممتاز زہرا بلوچ نے اپنے بیان میں کہا ہے کہ عراق ایئرویز کے 2 طیاروں میں فنی خرابی کی وجہ سے 654 پاکستانی زائرین اس وقت بغداد ایئرپورٹ پر پھنسے ہوئے ہیں۔
تفصیلات کے مطابق ترجمان دفتر خارجہ کا کہنا ہے کہ وزارت خارجہ، وزارت ہوا بازی اور عراق میں پاکستانی سفارت خانہ میں پھنسے ہوئے پاکستانیوں کی جلد وطن واپسی کے لیے عراقی حکام اور عراق ایئرویز سے رابطے میں ہیں۔
یہ بھی پڑھیں: نوازشریف نے(ن)لیگ کاہنگامی اجلاس آج بلالیا
نائب وزیراعظم و وزیر خارجہ اسحاق ڈار نے بغداد میں پاکستان کے سفیر کو پھنسے ہوئے پاکستانیوں کی دیکھ بھال اور ان کی جلد واپسی میں سہولت فراہم کرنے کی ہدایت کی ہے۔ سفارت خانے نے زائرین کو کھانا فراہم کیا ہے اور بغداد میں ان کے عارضی قیام کی سہولت فراہم کی ہے۔
یہ بھی پڑھیں:وزیراعظم شہبازشریف کی مولانا فضل الرحمان سے ان کی رہائشگاہ پر ملاقات
ان زائرین کی واپسی آج سے شروع ہونے کی امید ہے۔ دونوں پروازوں میں سے پہلی پرواز 2200 بجے (عراق کے مقامی وقت) PST پر 1200 بجے بغداد سے اڑان بھرے گی۔ دفتر خارجہ کے کا کہنا ہے کہ امید کرتے ہیں کہ پھنسے ہوئے تمام مسافر آج واپس آجائیں گے۔
