ایران سے پنجاب آنے والے زائرین کی بس کو افسوسناک حادثے کا شکار، بڑا جانی نقصان ہو گیا

ایران سے پنجاب آنے والے زائرین کی بس کوسٹل ہائی وے پر کھائی میں جا گر ی، جس کے نتیجے میں 11 افراد جاں بحق، 30 زخمی ہو گئے ہیں۔

لیویز حکام کے مطابق بس ایران سے پنجاب جا رہی تھی کہ بزی ٹاپ کے علاقے کے قریب کھائی میں جا گری۔امدادی کارروائیاں جاری ہیں اور جاں بحق اور زخمیوں کو اوتھل کے ڈسٹرکٹ ہیڈ کوارٹر ہسپتال منتقل کیا جا رہا ہے۔ لیویز حکام نے مزید ہلاکتوں کے خدشے کا اظہار کیا ہے کیونکہ متعدد زخمی افراد کی حالت تشویشناک ہے۔بس میں تقریبا 70 مسافر سوار تھے اور ابتدائی اطلاعات کے مطابق یہ حادثہ بریک فیل ہونے کی وجہ سے پیش آیا۔

یہ بھی پڑھیں: ہوشیار ،خبردار! یہ میسج آپ کا بینک اکاؤنٹ خالی کرسکتا ہے

پولیس نے تصدیق کی ہے کہ بس لاہور اور گجرانوالہ سے زائرین کو لے کر پنجاب جارہی تھی۔ واضح رہے کہ چند روز قبل ایران میں ایک اور بس حادثے میں 35 پاکستانی زائرین جاں بحق اور 15 زخمی ہوگئے تھے۔