علی امین گنڈا پور کے خلاف گروپ بندی نہیں کررہے، عاطف خان

پاکستان تحریک انصاف کے رکن قومی اسمبلی عاطف خان نے علی امین گنڈاپور کیخلاف گروپ بندی کی تردید کردی۔

تفصیلات کے مطابق پاکستان تحریک انصاف کے رکن قومی اسمبلی عاطف خان نے کہا ہے کہ وزیراعلیٰ خیبرپختونخوا علی امین گنڈاپور کیخلاف گروپ بندی نہیں کر رہے۔

عاطف خان کا کہنا ہے کہ علی امین گنڈاپور کوعمران خان نے وزیراعلیٰ بنایا ہے، وہ جب تک چاہیں گے علی امین وزیراعلیٰ رہیں گے۔

مزید پڑھیں: وزیر اعلیٰ خیبر پختونخوا علی امین گنڈا پور کے خلاف وزراء نے بغاوت کر دی

انہوں نے علی امین گنڈاپور کیخلاف گروپ بندی کی تردید کرتے ہوئے کہا کہ وزیراعلیٰ خیبرپختونخوا کیخلاف ہم کوئی گروپ بندی کر رہے ہیں اور نہ ہی ان کیخلاف کوئی قرار داد لانے کا منصوبہ ہے۔