By پاکستان ٹیلی کمیونیکیشن اتھارٹی کے مطابق ملک میں وائرل وال کی تنصیب کا دوسرا ٹرائل کامیابی کے ساتھ مکمل کرلیا گیا ہے اور انٹرنیٹ سروس فراہم کرنیوالی کمپنیوں پر فائر وال انسٹال کردی گئی ہے۔
تفصیلات کے مطابق ملک میں انٹر نیٹ سروسز اور سوشل میڈیا پر فائر وال تنصیب کا کام مکمل کر لیا گیا ہے ، اس حوالے سے زرایع پی ٹی اے کا کہنا ہےکہ سوشل میڈیا ایپس کو ڈاون کرکے فائر وال کو انسٹال کیا گیا ہے اور سوشل میڈیا ایپس پر آڈیو ویڈیو ڈاون لوڈنگ بند کی گئی ہے اور آئیندہ دو سے تین روز میں سوشل میڈیا سروسز معمول پر آنے کا امکان ہے۔ زرایع کے مطابق فائر وال سے موبائل سگنلز انٹرنیٹ سروس کو بھی ڈاون کیا گیا ہے اور نیشنل سیکورٹی کے پیش نظر فائر وال کی تنصیب کی جارہی ہے۔
یہ بھی پڑھیں: خیبر پختونخوا حکومتی عدم دلچسپی کے سبب پولیس کمپلینٹ اتھارٹی سے محروم
زرایع کے مطابق فائر وال کے ذریعے سوشل میڈیا پر متنازعہ مواد کو روکا جاسکے گا اورفائر وال ڈیپ پیکٹ انسپیکشن کی صلاحیت کی حامل ہوگی جس کی مدد سے فائر وال سے سوشل میڈیا پر پروپیگنڈہ پوائنٹس کی نشاندہی کی جاسکے گی اورقومی سلامتی کیخلاف پروپیگنڈہ کرنیوالی آئی ڈی کو بلاک کیا جاسکے گا۔
