By تیز رفتار مسافر بس اور کار میں تصادم کے نتیجے میں 6 افراد موقع پر جاں بحق جبکہ ایک زخمی ہوگیا۔
تفصیلات کے مطابق مسافر بس اور کار کے درمیان ہونے والا افسوس ناک حادثہ جھنگ روڈ منکیرہ کے قریب پیش آیا جہاں تیز رفتار کار مخالف سمت سے آنے والی مسافر بس سے ٹکرا گئی ۔ حادثے میں 6 افراد موقع پر ہی دم توڑ گئے۔
یہ بھی پڑھیں:پاک فوج ملک کی سرزمین کو فتنہ الخوارج سے پاک کر رہی ہے، شہباز شریف
ریسکیو ذرائع کا کہنا ہے کہ حادثہ اوور ٹیکنگ اور لاپروائی کے باعث پیش آیا، ریسکیو ٹیم نے لاشوں اور زخمیوں کو ہسپتال منتقل کردیا ۔ کار سوار میانوالی سے منکیرہ جبکہ بس شورکوٹ سے میانوالی جارہی تھی۔ مرنے والوں میں 3 مرد ، دو بچیاں اور ایک بچہ شامل ہیں میانوالی سے تعلق رکھتے تھے۔
یہ بھی پڑھیں:وادیٔ تیراہ میں خوارجیوں سے مقابلے میں زخمی ہونیوالے لیفٹیننٹ عزیر محمود ملک شہید
