کراچی اور حیدرآباد میں ایکسائز نارکوٹکس کنٹرول کی کارروائیاں

(مشتاق سرکی)

تفصیلات کے مطابق کراچی میں نادرن بائی پاس ہمدرد یونیورسٹی کے قریب ڈائریکٹر جنرل نارکوٹکس کنٹرول سندھ کی ہدایات پر انٹیلیجنس بیسڈ کاروائی عمل میں لائی گئی۔

ایکسائز نارکوٹکس کنٹرول نے ہمدرد یونیورسٹی نادرن بائی پاس کے قریب کارروائی کرتے ہوئے سوزوکی کار سے بھاری مقدار میں منشیات برآمد کرلی۔ برآمدہ منشیات میں انٹرنیشنل کوالٹی کی 3 کلو گرام ہیروئن اور 12 کلو گرام چرس برآمد کی گئی۔ ایکسائز حکام کے مطابق ملزمان تاریکی کا فائدہ اٹھاتے ہوئے فرار ہوگئے۔ ملزمان سے برآمد شدہ منشیات کی عالمی مارکیٹ میں قیمت کروڑوں روپے ہے۔ ایکسائز پولیس ضِلع ویسٹ نے گاڑی تحویل میں لے کر انسدادِ منشیات ایکٹ کے تحت مقدمہ درج کر کے تفتیش کا آغازکردیا۔

حیدرآباد میں ایک اور کارروائی میں ہٹڑی بائی پاس پر ایکسائز ڈویژنل اسپیشل اسکواڈ نے 185 کٹے مین پوری برآمد کر لیے۔ گرفتار ملزم اعجاز یوسفزئی کی نشاندہی پر پاک انٹرنیشنل گڈز پر کارروائی میں مین پوری کے مزید 220 کٹےبھی برآمد کیے گئے۔ ایکسائز حکام کے مطابق برآمد شدہ مین پوری لگ بھگ 10 ہزار کلوگرام ہےاور مالیت کروڑوں روپے ہے۔ ایکسائز حکام نے برآمد کی جانے والی 10 ہزار کلوگرام مین پوری پولیس کے حوالے کر دی اور پولیس نے مقدمہ درج کرلیا۔