By معروف نجومی ایمی ٹرپ نے ڈونلڈ ٹرمپ کو اگلے امریکی صدر کے طور پر پیش گوئی کردی۔
جو بائیڈن کے صدارتی مہم سے دستبرداری کی درست پیش گوئی کرنے والی معروف نجومی ایمی ٹرپ نے اب پیش گوئی کی ہے کہ ڈونلڈ ٹرمپ امریکہ کے اگلے صدر ہوں گے۔ امریکی میڈیا کے مطابق ٹرپ کا دعویٰ ہے کہ ٹرمپ اپنی پیشہ ورانہ کامیابی کے عروج پر ہیں اور آنے والے دنوں میں انہیں غیر متوقع چیلنجز کا سامنا کرنا پڑ سکتا ہے تاہم بالآخر وہ اگلے صدر بن جائیں گے۔
یہ بھی پڑھیں: پاکستان بھر میں ہیوی بارشوں کا سلسلہ جاری
ٹرپ نے اس سے قبل پیش گوئی کی تھی کہ ٹرمپ 2024 میں بائیڈن کے خلاف نہیں بلکہ کملا ہیرس کے خلاف انتخاب لڑیں گے، جس پر اس وقت شکوک و شبہات کا اظہار کیا گیا تھا۔ تاہم بائیڈن کی انتخابی مہم سے دستبرداری اور ہیرس کی بطور امیدوار نامزدگی کے بعد ٹرپ کی پیش گوئی درست ثابت ہوئی۔
اب ٹرپ نے ایک اور پیش گوئی کرتے ہوئے کہا ہے کہ ستاروں کے مطابق ڈونلڈ ٹرمپ امریکہ کے اگلے صدر ہوں گے۔ تاہم انہوں نے خبردار کیا کہ ٹرمپ کو آنے والے دنوں میں غیر متوقع چیلنجز کا سامنا کرنا پڑ سکتا ہے۔
