By دنیا کے طاقتور ترین پاسپورٹس کی فہرست جاری کردی گئی جس میں سنگا پور کاپہلا نمبر ہے ۔
تفصیلات کے مطابق ہینلے پاسپورٹ انڈیکس نے 2024 کی درجہ بندی جاری کر دی ہے ، فہرست میں سنگاپور کو دنیا کے طاقتور ترین پاسپورٹ کا حامل ملک قرار دیدیا ، سنگاپور کے شہری 195 مقامات پر بغیر ویزا جا سکتے ہیں۔
دوسرے نمبر پر مشترکہ طور پر فرانس، جرمنی، اٹلی، جاپان اور اسپین کے پاسپورٹ جن کو 192 مقامات تک بغیر ویزا کے رسائی کی اجازت ہے۔ تیسرے نمبر پر آسٹریا، فن لینڈ، آئرلینڈ، لکسمبرگ، نیدرلینڈز، جنوبی کوریا اور سویڈن ہیں، جن کے باشندے 191 مقامات پر بغیر کسی رکاوٹ کے سفر سے لطف اندوز ہو سکتے ہیں۔
انگلینڈ، بیلجیم، ڈنمارک، نیوزی لینڈ، ناروے اور سوئٹزرلینڈ چوتھے نمبر پر آگئے جن کو 190 مقامات پر ویزا فری سفر کی سہولت میسر ہے ۔ اس کے علاوہ ، آسٹریلیا اور پرتگال5ویں پوزیشن پر ہیں جن کو 189 مقامات تک رسائی حاصل ہے ۔
امریکا کا 8واں نمبر ہے ، جس نے 186 مقامات پر شہریوں کو ویزہ کے بغیر داخلے کی اجازت دی ہے۔ فہرست میں پاکستان 100نمبر پر یمن کے ساتھ ہے۔ اس فہرست میں سب سے کمزورپاسپورٹ افغانستان کا ہے ، جس کے شہری صرف 26 ممالک کا ویزا فری سفر کر سکتے ہیں۔
