By عدالت نے آزادی مارچ کیس میں عمران خان سمیت پی ٹی آئی رہنماؤں کو بری کر دیا۔
تفصیلات کے مطابق اسلام آباد کی ڈسٹرکٹ اینڈ سیشن کورٹ نے آزادی مارچ سے متعلق کیس میں عمران خان، شاہ محمود قریشی اور شیخ رشید احمد سمیت پی ٹی آئی رہنماؤں کو بری کردیا۔عدالت کے تحریری فیصلے میں کہا گیا ہے کہ استغاثہ ملزم کے خلاف ثبوت فراہم کرنے میں ناکام رہا اور مدعی اے ایس آئی افتخار احمد کی جانب سے لگائے گئے الزامات کو درست قرار نہیں دیا جا سکتا۔
یہ بھی پڑھیں: ٹویوٹا یارس کی نئی قیمتیں سامنے آگئیں
پی ٹی آئی رہنماؤں کے خلاف مبینہ طور پر کارکنوں کو پرتشدد کارروائیوں پر اکسانے، سرکاری املاک کو نقصان پہنچانے اور آزادی مارچ کے دوران گرین بیلٹ کو آگ لگانے کا مقدمہ درج کیا گیا تھا۔ تاہم عدالت کو ان دعوؤں کی حمایت میں کوئی ثبوت نہیں ملا۔فیصلے میں کہا گیا ہے کہ اگر ٹرائل آگے بڑھ بھی جاتا تو بھی ملزم کو سزا سنائے جانے کا کوئی امکان نہیں ہے۔ لہٰذا عدالت نے ملزمان کی جانب سے دائر ضمانت کی درخواستیں منظور کرتے ہوئے انہیں تمام الزامات سے بری کردیا۔
بری ہونے والوں میں عمران خان، شاہ محمود قریشی، شیخ رشید احمد، زرتاج گل، عامر محمود کیانی، سیف اللہ خان، اسد عمر، علی نواز اعوان، علی امین گنڈاپور، شفقت محمود، فیصل جاوید اور دیگر شامل ہیں۔
