By سعودی عرب نے مختلف شعبوں میں صلاحیت و مہارت کے حامل افراد کو سعودی شہریت دینے کا اعلان کر دیا۔
تفصیلات کے مطابق سعودی فرماں روا شاہ سلمان بن عبدالعزیز کی جانب سے جاری شاہی فرمان میں اہل اور قابل افراد کو سعودی شہریت دینے کا اعلان کردیا۔فرمانروا نے متعدد شعبوں میں اہل اور قابل افراد کو سعودی شہریت دینے کا اعلان کیا ہے۔
مزید پڑھیں: سعودی عرب نے پاکستانیوں کیلئے ویزا شرائط میں نرمی کردی
فرمان میں سائنسدانوں، طبی ماہرین، محققین، انوویٹرز ،کاروباری افراد اور منفرد صلاحیت و مہارت کے حامل ممتاز ہنر مندوں کو سعودی شہریت دینے کا حکم جاری کیا گیا ہے۔
شاہی فرمان کا مقصد وژن 2030 کے مطابق پرکشش ماحول کو بڑھانا، غیر معمولی تخلیقی ذہنوں کو متوجہ کرنا، سرمایہ کاری اور ترقی میں حصہ ڈالنے کی حوصلہ افزائی کرنا ہے۔
