By برطانیہ میں ہونیوالے جنرل انتخابات کی ووٹنگ کا عمل مکمل ہو گیا،نتائج حکمران جماعت کیخلاف جارہے ہیں ، لیبر پارٹی کو تاریخی فتح ملنےکا امکان ہے ۔
تفصیلات کے مطابق برطانیہ میں ہونے والے انتخابات کے دوران پولنگ کا عمل مقامی وقت کے مطابق صبح 7 سے رات 10 بجے تک جاری رہا، برطانوی پارلیمنٹ کی ساڑھے 6 سو نشستوں پر مختلف سیاسی جماعتوں کے 4 ہزار 515 امیدوارآپس میں مد مقابل ہیں ۔ انتخابات میں 464 آزاد امیدوار وں نے بھی حصہ لیا ۔ پورے برطانیہ میں40 ہزار پولنگ سٹیشن قائم کیے گئے تھے۔
جن پر 5 کروڑ ووٹرز نے اپنے پسندیدہ امیدواروں کے حق میں ووٹ ڈالے ۔ ووٹنگ کا عمل مکمل ہونے کے بعد نتائج آنے کا سلسلہ جاری ہے۔غیرملکی میڈیا کے مطابق ایگزٹ پولز نے دعویٰ کیا ہے کہ لیبر پارٹی کو 410 اور حکمران جماعت کنزرویٹو کو 131 نشستیں ملنے کا امکان ہے ، لب ڈیم کو 61،ریفارمز کو 13، ایس این پی کو10، گرین پارٹی کو 2اور دیگر کو 23نشستیں ملنے کی توقع کی جا رہی ہے ۔
یہ بھی پڑھیں:متحدہ عرب امارات میں نئے سال کی آمد پر تعطیل کا اعلان
دوسری جانب عام انتخابات میں ممکنہ کامیابی پر لیبر پارٹی کے لیڈر سر کئیر سٹارمر نے اپنے ووٹرز اور سپورٹرز سے اظہار تشکر کیا اور سوشل میڈیا پر پیغام جاری کرتے ہوئے کہا کہ پارٹی کے لیے مہم چلانے اور ووٹ دینے والوں کا شکریہ ادا کرتا ہوں ۔
