By چیئرمین پی سی بی محسن نقوی کا کہنا ہے کہ بابر اعظم کی جگہ نیا کپتان بنانے کے حوالے سے ابھی کوئی فیصلہ نہیں ہوا اور وہ سابق کرکٹرز سے مشاورت کریں گے۔
لاہور میں صحافیوں سے غیر رسمی گفتگو میں چیئرمین پی سی بی محسن نقوی نے قومی ٹیم کی کارکردگی، ڈومیسٹک کرکٹ اور کھیل میں بہتری پر تبادلہ خیال کیا۔ بابر اعظم کے حوالے سے ان کا کہنا تھا کہ پی سی بی میں کچھ تبدیلیاں کی گئی ہیں اور کچھ پر غور کیا جارہا ہے تاہم کسی اور کو کپتان بنانے کے حوالے سے ابھی کوئی فیصلہ نہیں ہوا۔
یہ بھی پڑھیں: ہنڈا سی ڈی 70، ہنڈا سی ڈی70 ڈریم کی قیمت کیا؟
محسن نقوی نے کہا کہ کپتان کی تبدیلی کا فیصلہ سابق کرکٹرز کریں گے اور وہ دونوں ہیڈ کوچز اور چار سے پانچ کمیٹیوں سے اس معاملے پر تبادلہ خیال کریں گے۔ انہوں نے یہ بھی کہا کہ ورلڈ کپ کے بعد سے ان کی بابر اعظم اور وہاب ریاض سے ملاقات نہیں ہوئی۔
چیئرمین پی سی بی کا کہنا تھا کہ شان مسعود کے ساتھ بھی بات ہوئی تھی کہ کیسے بہتر کیا جا سکتا ہے، ان سے متعلق بہت لوگوں کی مثبت رپورٹ ملی ہے، شان مسعود کو ہٹانے سے متعلق کوئی فیصلہ نہیں کیا گیا ہے۔
