By امریکی محکمہ خارجہ نے پاکستان اور بھارت کی انسانی اسمگلنگ سے متعلق سالانہ رپورٹ جاری کردی ۔
تفصیلات کے مطابق انسانی اسمگلنگ سے متعلق امریکی محکمہ خارجہ کی رپورٹ میں دونوں ہمسایہ ممالک کوایک جیسی درجہ بندی میں رکھا گیا ہے۔ رپورٹ میں بتایا گیا ہے کہ دونوں حکومتیں انسانی اسمگلنگ کے خاتمے کے لیے کم از کم معیارات پر پورا نہیں اترتیں۔ ا مریکی محکمہ خارجہ کے مطابق پاکستانی حکومت نے گزشتہ رپورٹ کے مقابلے میں مجموعی طور پر زیادہ کو ششیں کیں۔
یہ بھی پڑھیں:بھارت جلد بنگلہ دیش کیلئےای میڈیکل ویزا شروع کرے گا
ان کوششوں میں پراسیکیوشن کو بڑھانا اور انسانی اسمگلروں کو سزا دینا شامل ہے۔ رپورٹ میں انکشاف کیا گیا ہے کہ پاکستان بھر میں 4.5 ملین کارکن جبری مشقت تلے دبے ہوئے ہیں ، اس کے علاوہ انسانی اسمگلرز اینٹوں کے بھٹوں، زراعت، کوئلہ اور قالین کی صنعتوں میں غریبوں کو جبری مشقت پر مجبور کرتے ہیں۔ پاکستان اور بھارت کو انسانی اسمگلنگ کے خاتمے کے لیے اقدامات کرنا ہوں گے ۔
