By ٹی وی میزبان اور یوٹیوبر عمران ریاض خان کو لاہور ایئر پورٹ سے ایک مرتبہ پھر گرفتار کر لیا گیا ۔
تفصیلات کے مطابق 9مئی کے واقعات کے بعد پہلے گرفتار اور پھر جیل کے باہر سے لاپتہ ہونے والے اینکر پرسن عمران ریاض خان سعودی عرب کے لئے روانہ ہو رہے تھے۔ عمران ریاض کو کس مقدمہ میں گرفتار کیا گیا ، تاحال اہل خانہ سمیت ساتھیوں کو بھی ا س کے متعلق کچھ نہیں پتہ چل سکا ۔ ان کو لاہو پولیس نے حراست میں لیا ۔ صحافی عمران ریاض خان کے وکیل میاں اظہر صدیق نے گرفتاری کی تصدیق کرتے ہوئے بتایا ہے کہ وہ حالت احرام میں سعودی عرب جا رہے تھے ان کے ہمراہ دیگر ساتھیوں سمیت ان کے ذاتی وکیل میاں اشفاق بھی موجود تھے۔
اینکر پرسن کے وکیل میاں اظہر صدیق کے مطابق عمران ریاض کو سادہ کپڑوں میں ملبوس افراد نے گرفتارکیا، پولیس بغیر ورانٹ گرفتاری کے گاڑی سے اتار کر انہیں لے گئی اور پنجاب پولیس نے ان کے خلاف کسی نئے مقدمے کا ذکر بھی نہیں کیا۔
