By پاکستان میں سعودی عرب کے سفیر نواف بن سعید احمد المالکی نے ٹی ٹوئنٹی ورلڈ کپ 2024 کے لیے پاکستانی کرکٹ ٹیم کے لیے نیک خواہشات کا اظہار کیا ہے۔
ایک ویڈیو پیغام میں پاکستان میں تعینات سفیر نے ٹیم کی ٹورنامنٹ جیتنے کی صلاحیت پر اعتماد کا اظہار کرتے ہوئے کہا کہ میرے بھائیوں(پاکستان کرکٹ ٹیم) مجھے یقین ہے کہ آپ یہ ٹورنامنٹ جیتیں گے اور پاکستانی قوم آپ کی جیت کا جشن منائے گی۔ سفیر پاکستان نے پاکستان کی خوشحالی اور ترقی کے لیے اپنی حمایت کا اظہار کرتے ہوئے کہا کہ میں پاکستان کی خوشیوں اور ترقی کے لیے دعا گو ہوں۔ انہوں نے مزید اعلان کیا کہ اگر پاکستان ٹی ٹوئنٹی ورلڈ کپ جیت جاتا ہے تو ٹیم کو اگلے سال حج کی ادائیگی کے لیے شاہی مہمانوں کی حیثیت سے مدعو کیا جائے گا۔
یہ بھی پڑھیں: پاکستانی معیشت بہتری کی طرف گامزن ، افراط زر میں کمی، روپیہ مستحکم اور سرمایہ کاری میں اضافہ
پاکستانی ٹیم ٹورنامنٹ کا پہلا میچ 6 جون کو ڈیلاس میں امریکا کے خلاف کھیلے گی جس کے بعد 9 جون کو روایتی حریف بھارت، 11 جون کو کینیڈا اور 16 جون کو آئرلینڈ کے خلاف میچز کھیلے گی۔ گروپ مرحلے سے ٹاپ دو ٹیمیں ویسٹ انڈیز میں سپر 8 راؤنڈ میں رسائی حاصل کریں گی۔
