By قومی سلیکشن کمیٹی نے ٹی 20 ورلڈکپ 2024ء کیلئے قومی ٹیم کے 15 رکنی اسکواڈ کا اعلان کردیا۔
تفصیلات کے مطابق لندن میں سلیکشن کمیٹی نے پریس کانفرنس کے دوران قومی کرکٹ ٹیم کے اسکواڈ کا اعلان کیا ۔ گرین شرٹس میں بابراعظم (کپتان) صائم ایوب، محمد رضوان، فخرزمان، اعظم خان، عثمان خان، افتخار احمد، عماد وسیم، شاہین شاہ آفریدی، شاداب خان، محمد عامر، عباس آفریدی، نسیم شاہ، حارث رؤف اور ابرار احمد شامل ہیں۔ عثمان خان ،اعظم خان، ابرار احمد، عباس آفریدی اور صائم ایوب پہلی بار کسی بڑے ٹورنامنٹ کا حصہ ہوں گے ۔ پاکستان کرکٹ بورڈ (پی سی سی) کی سلیکشن کمیٹی کا کہنا ہے کہ ٹیم متوازن اور بیلنس ہے جس میں تجربہ کار اور نوجوان کرکٹرز کو بھی شامل کیا گیا ہے ۔ فاسٹ بالر حارث رؤف مکمل فٹ ہیں ، ٹی ٹوئنٹی ورلڈ کپ 2024 میں ان کا کردار ا بہت اہم ہوگا۔ یاد رہےکہ انٹر نیشنل کرکٹ کونسل (آئی سی سی)نے ٹی20 ورلڈکپ کے لیے تما م ٹیموں کو اسکواڈ کے اعلان
کی ڈیڈ لائن 24 مئی دی تھی، 4 ٹی ٹوئنٹی میچز کی سیریز کے لیے قومی ٹیم اس وقت انگلش ٹیم کے خلاف سیریز کھیل رہی ہے اس کے بعد یکم جون کو میگا ایونٹ میں شرکت کے لیے پاکستانی ٹیم امریکا کے لئے روانہ ہو جائے گی۔ واضح رہے کہ پاکستان ورلڈکپ کے گروپ اے میں موجود ہے جس میں اس کا مقابلہ روایتی حریف بھارت، آئرلینڈ، کینیڈا اور امریکا کے ساتھ ہونا جا رہا ہے ۔ قومی ٹیم اپنا پہلا ٹی 20میچ6 جون کو میزبان امریکا کے خلاف کھیلی گی ۔ پاکستان اپنا دوسرا میچ 9جون کو نیو یارک میں انڈیا کے ساتھ کھیلے گا ۔ 11جون کو پاکستان اور کینیڈا کی ٹیموں کا آپس میں جوڑ پڑے گا ۔ 16جون کو قومی کرکٹ ٹیم اپنا آخری گروپ میچ آئرلینڈ کے خلاف کھیلے گی ۔
