By آرمی چیف جنرل سید عاصم منیر کی جنرل ہیڈکوارٹرز راولپنڈی میں پاکستان ہاکی ٹیم سے ملاقات، اذلان شاہ ہاکی ٹورنامنٹ میں قومی ٹیم کی کارکردگی کو سراہا۔
پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل سید عاصم منیر نے جنرل ہیڈ کوارٹرز راولپنڈی میں پاکستان ہاکی ٹیم کا استقبال کیا۔ ملاقات میں پاکستان ہاکی فیڈریشن کے صدر طارق حسین اور پی ایچ ایف کے دیگر عہدیداروں نے بھی شرکت کی۔
ملاقات کے دوران آرمی چیف نے قومی ہاکی ٹیم کی اذلان شاہ ہاکی ٹورنامنٹ میں شاندار کارکردگی کو سراہتے ہوئے کہا کہ ہاکی ٹیم نے قوم کا نام روشن کیا ہے اور ہم ان کی مسلسل کامیابی کو یقینی بنانے کے لیے انہیں تعاون فراہم کرنے کے لیے پرعزم ہیں۔
انہوں نے کھلاڑیوں کو ان کے مستقبل کے لئے نیک خواہشات کا اظہار کیا۔ پی ایچ ایف کے صدر نے ٹیم سے ملاقات اور بات چیت کا موقع ملنے پر آرمی چیف کا شکریہ ادا کیا۔
