By ڈپٹی سپیکر پنجاب اسمبلی ظہیر اقبال چنڑ کی زیر نگرانی ہونے والے اجلاس میں حکومت نے اعلان کیا ہے کہ رواں سال لاہور اور دیگر شہروں میں مسافروں کو سفری سہولیات مہیا کرنے کیلئے الیکٹرک اور ہائبرڈ بسیں چلا ئیں گے۔
وقفہ سوالات میں وزیر ٹرانسپورٹ بلال اکبر نے ایوان سے کہا کہ لاہور میں رواں سال 27 الیکٹرک بسیں سڑکوں پر ہوں گی، دیگر اضلاع بھی میں ہائبرڈ بسیںچلائی جائیں گی۔ اپوزیشن رکن بریگیڈیئر ریٹائرڈ مشتاق احمد کا کہنا تھا کہ لاہور کے علاوہ تمام شہر ٹرانسپورٹ کی سہولت سے محروم ہیں، صوبائی فنانس کا تمام پیسہ لاہور پر خرچ کیا جا رہا ہے جب کہ رانا آفتاب نے کہا کہ حکومت بسوں کی پالیسی تو متعارف کروا رہی ہے مگر تمام بڑے شہروں میں ٹریفک جام رہتی ہے۔
مزید پڑھیں:کسانوں کیلئے خوشخبری، فوجی فرٹیلائزر یوریا کی قیمتوں میں کمی پر رضامند
ایوان میں اپوزیشن رکن اویس ورک ، رانا آفتاب احمد خان اور حافظ فرحت عباس نے پولیس کے حوالے سے متعدد توجہ دلاؤ نوٹسز میں پولیس کی کارکردگی پر تحفظات کا اظہار کیا گیا۔ وزیر پارلیمانی امور مجتبیٰ شجاع الرحمان نے پنجاب انفارمیشن کمیشن، پنجاب پبلک سروس کمیشن کی سالانہ رپورٹس ایوان میں پیش کیں ، ایجنڈا مکمل ہونے پر ڈپٹی سپیکر پنجاب اسمبلی ظہیر اقبال چنڑ نے اجلاس جمعہ کی دوپہر دو بجے تک ملتوی کر دیا۔
