By پاکستان تحریک انصاف کے مرکزی رہنماء شیخ وقاص اکرم کا کہنا ہے کہ میرے لیڈر کی ایک جھلک سے سارا سسٹم خوفزدہ ہے۔
اتنا خوف کہ کیس کی سماعت براہ راست دکھائی جارہی تھی ۔ لیڈر نے آنا تھا تو یہ گھبرا کر دوڑ گئے، دیکھیں! ان کی تصویر کس طرح وائرل ہوئی۔ اسلام آباد میں نجی ٹی وی کے پروگرام میں گفتگو کرتے ہوئے ان کا کہنا تھا کہ مجھے اس بات کی خوشی ہوئی کہ ہمارے لیڈر عمران خان کی ایک جھلک سے سارا سسٹم اتنا خوفزدہ ہے کہ کیس کی سماعت براہ راست دکھائی جارہی تھی ، بانی پی ٹی آئی نے کیا کرنا تھا کہ براہ راست کاروائی نہیں دکھائی گئی، لیڈر نے آنا تھا تو گھبرا کردوڑ گئے ، بھاگ گئے ، اس کا جواب ان کو دینا چاہیے، ہم تو بڑے جوش میں تھے کہ اتنے عرصے بعد قوم نے جس آدمی کی آواز پرجیل میں غیرموجود لوگوں کو آگے کیا ، دیکھیں عمران خان کی تصویر کس طرح وائرل ہوئی ہے۔
لوگ تصویر دیکھ کر مٹھائیاں بانٹ رہے تھے، جشن منا رہے تھے ، اگر نظر آجاتے تو پتہ نہیں ان کو کیا خوف تھا۔ شیخ وقاص اکرم نے کہا کہ وزراء اور حکومت سے ووٹ لے کر سینیٹر بننے والوں نے عدلیہ پر حملے شروع کردیئے ہیں، ایسے لوگوں کا کیسز سے کوئی لینا دینا نہیں لیکن عدلیہ کو ٹارگٹ کرلیا ۔ دھمکیاں دے کر عدلیہ کو دبانے کی بھونڈی کوشش کی گئی ، اگر کسی جج کو دھمکیاں دی جارہی ہیں تو ادارے کے سربراہ کو فوری طور پر ایکشن لینا چا ہیے،ججز ایکشن لیتے ہیں یا لے رہے ہیں بالکل لینا چاہیے اور مثال بنا نی چا ہیے۔ عدلیہ کو دھمکیاں دینے والوں کو نااہل کرنا چاہیے، سپریم کورٹ کو اس قسم کی پریس کانفرنس کا ازخود نوٹس لینا چاہیے۔ یہ کیا طریقہ ہے ؟ ججز کو دھمکیاں دی جاتی ہیں۔
