By عابد شیر علی کا کہنا ہے کہ بانی پی ٹی آئی نے جو بویا آج وہی کاٹ رہا ہے اور اپنے کئے کا خمیازہ بھگت رہا ہے۔
تفصیلات کے مطابق پاکستان مسلم لیگ ن کے سینئر رہنما اور سابق وفاقی وزیرعابد شیر علی نے نجی ٹی وی کے پروگرام میں گفتگو کرتے ہوئے کہا ہے کہ بانی پی ٹی آئی نے جو بویا آج وہی کاٹ رہا ہے اور اپنے کئے کا خمیازہ بھگت رہا ہے۔ یہ وہی لوگ ہیں جو بیگم کلثوم نواز کی بیماری کا مذاق اڑا یا کرتے تھے، ایک شخص ملزم ہے، چیف جسٹس کی مرضی ہے اسے لائیو دکھانا ہے یا نہیں۔سابق وفاقی وزیر کا مزید کہنا تھا کہ آج علی محمد خان ماتم کر رہے ہیں، اس نے قوم میں انتشار پیدا کیا، یہ کوئی شہزادہ چارلس نہیں ہے۔
مزید پڑھیں:منظور وسان کی عمران خان کے مستقبل سے متعلق پیشنگوئی
عابدشیرعلی کو حقائق کا اندازہ نہیں ہے ، اظہر صدیق
دودسری جانب عابدشیرعلی کے بیان پر ردعمل دیتے ہوئے رہنما پاکستان تحریک انصاف اظہر صدیق نے کہا کہ عابدشیرعلی کو حقائق کا اندازہ نہیں ہے، سپریم کورٹ نےلائیو سماعت کرنے کا کہا تھا، تصویر لیک کرنے کا مجھ پر بھی الزام لگا ہے، پوری قوم بانی پی ٹی آئی کو دیکھنا چاہتی تھی۔ اظہرصدیق نے مزید کہا کہ سپریم کورٹ کو بانی پی ٹی آئی کو لائیو دکھانا چا ہیے تھا، نوازشریف، اسحاق ڈار اشتہاری تھے، بانی پی ٹی آئی اشتہاری نہیں، موجودہ صدر مملکت آصف علی زرداری نے تو جیل میں ایک اینکر کو انٹرویو دیا تھا، آج بانی پی ٹی آئی کے نام لینے پر کیوں پابندی ہے؟۔
