By سولر پینلز کی قیمتوں میں کمی کے بعد گاڑی کی بیٹریوں کی قیمتوں میں بھی کمی ہوگئی۔
تفصیلات کے مطابق سولر پینلز کی قیمتوں میں کمی کے بعد بیٹریوں کی قیمتیں بھی کم ہوگئیں۔گزشتہ برس کے مقابلے صرف یو پی ایس ہی نہیں گاڑیوں کی بیٹریاں بھی سستی ہوگئی ہیں۔ تاجروں کے مطابق گزشتہ سال کی نسبت یو پی ایس کی بیٹریوں کی قیمت میں کمی ہوگئی ہے۔یو پی ایس کی جو بیٹری 38ہزار روپے کی فروخت ہورہی تھی اب وہی بیٹری تقریباََ 33ہزار روپے تک فروخت ہورہی ہے۔اسی طرح 110وولٹ کی بیٹری جو 2پنکھے اور لائٹس کیلئے استعمال ہوتی ہے پہلے 23 ہزار روپے میں ملتی تھی اب وہ 20ہزار روپے پر آگئی ہے لیکن اس کے باوجود بھی لوگوں میں قوت خرید نہیں ہے جس کے باعث وہ پرانی بیٹریاں لینے پر مجبور ہیں۔قیمتوں میں جتنا اضافہ ہوا تھا اتنی کمی نہیں ہوئی۔دوسری جانب بعض تاجروں کا کہنا ہے کہ گزشتہ 6 مہینے سے قیمتیں مستحکم ہیں کیوں کہ ڈالر کے ریٹ میں اتار چڑھاؤ پر ہی بیٹریوں کی قیمتوں کا انحصار ہوتا ہے تاہم بیٹریوں کی قیمتوں میں گزشتہ 6 مہینوں سے اضافہ نہیں ہوا اور نہ ہی قیمتوں میں کوئی کمی ہوئی ہے تاہم ان کا کہنا تھا کہ بیٹریاں بہت سی جگہوں پر کم قیمتوں میں مل رہی ہیں جس کی وجہ صرف یہی ہے کہ سیل نہیں ہوتی تو دکاندار مال بیچنے کے لیے قیمت گرا دیتے ہیں۔
مزید پڑھیں: سولر پینلزکی قیمتیں آدھی سے بھی کم ہوگئیں
سولر پینلز مزید سستے ہو گئے
پاکستان میں سولر پینل کی قیمتوں میں ایک اور کمی دیکھنے میں آئی ہے کیونکہ ملک میں رہائشی اور تجارتی سیٹ اپ پر ٹیکس عائد کرنے کی اطلاعات ہیں۔ تاجروں نے بتایا کہ پاکستان میں سولر پینلز کی قیمت میں گزشتہ 6 ماہ کے دوران 30 فیصد کمی آئی ہے جو خریداروں کے لیے اچھی بات ہے۔ انہوں نے انکشاف کیا کہ مارکیٹ میں سولر پینلز کی زیادہ فراہمی کی وجہ سے قیمتوں میں بڑے پیمانے پر کمی دیکھی گئی۔ انہوں نے کہا کہ پاکستان میں سولر پینل کی فی واٹ قیمت 40 روپے سے بھی کم ہوگئی ہے۔
