By امریکی خلائی تحقیقاتی ادارے ناسا نے سورج پر گزشتہ دو دہائیوں میں ہونے والے سب سے بڑے دھماکے کی تصویر جاری کردی۔
سورج کی یہ انتہائی طاقتور پیک دودن پہلے منگل کو پیدا ہوئی ہے۔ ناسا کی سولر ڈائنامکس آبزرویٹری کی جاری کردہ تصویر میں دیکھا جا سکتا ہے کہ سورج کی دائیں سمت پر شدید ترین سنہری شعلے بلند ہورہے ہیں۔ قدرت کا یہ نظارہ ایسے وقت میں دکھائی دیا ہے جب چند روز قبل ہی سورج سے نکلنے والے شعلوں کی ایسی ہی تیز لپک کے نتیجے میں شمسی طوفان سے زمین کے گردے ’’ناردرن لائٹس‘‘ کے دلفریب مناظر دنیا بھر میں دیکھے گئے تھے، تاہم سائنسدانوں کا کہنا ہے کہ اس بار زمین کے متاثر ہونے کا امکان نہیں ہے، کیونکہ تازہ ترین سولر فلیم سورج کے زمین سے دور گھومنے والے حصے پر بھڑ کا ہے ۔
یہ بھی پڑھیں: طاقتور شمسی طوفان زمین سے ٹکرا گیا
یوایس نیشنل اوشیا تک اینڈ ایٹموسفیرک ایڈمنسٹریشن کے مطابق سورج پر 2005 کے بعد پیدا ہونے والا یہ سب سے طاقتور شعلہ تھا جس کی اسکیل پر شدت X8.7 ریکارڈ ہوئی ہے۔ اسپیس ویدر پریڈیکشن سینٹر کے برائن بروشر نے کہا کہ تقریباً ایک ہفتے سے سورج کے شعلوں اور کو رول پلازما کے بڑے پیمانے پر اخراج نے زمین اور مدار میں بجلی و مواصلات کے نظاموں میں خلل کا خطرہ پیدا کر رکھا ہے۔ ناسا نے بتایا کہ گزشتہ ہفتے کے اختتام پر آنے والے جیومیگنیٹک طوفان کی وجہ سے اس کا ایک ماحولیاتی سیٹلائٹ خلائی موسم سے کم اونچائی کے باعث غیر متوقع طور پر گھومنے لگا اور ایک حفاظتی ہائبر نیشن میں چلا گیا جسے سیف موڈ کہا جاتا ہے۔ اس دوران بین الاقوامی خلائی اسٹیشن پر سات خلا بازوں کو مشورہ دیا گیا کہ وہ ایسے علاقوں میں رہیں جہاں تابکاری سے بچاؤ ممکن ہو۔ ناسا کے مطابق خلائی عملہ کسی بھی خطرے سے محفوظ رہا۔
سورج
