By قومی کرکٹ ٹیم کے کپتان بابراعظم نے ٹی ٹونٹی انٹرنیشنل میں سب سے زیادہ ففٹی پلس سکورکاویرات کوہلی کا ریکارڈ توڑ دیا۔
ڈبلن میں آئرلینڈ کے خلاف ٹی ٹونٹی سیریز کے آخری میچ میں بابر اعظم نے 42 بالوں پر 75 رنز کی شاندار اننگز کھیل کر ٹی ٹونٹی انٹرنیشنل میں سب سے زیادہ مرتبہ ففٹی پلس سکور کا ریکارڈ اپنے نام کیا۔بھارتی کھلاڑی ویرات کوہلی نے109 ٹی ٹونٹی انٹرنیشنل اننگز میں38 ففٹی پلس سکور کئے جبکہ بابر اعظم نے 110اننگز میں 39ویں مرتبہ ففٹی پلس سکور کیا۔
یہ بھی پڑھیں: آصف زرداری، نواز شریف کے بچوں سمیت بڑے بڑے نام دبئی پراپرٹی لیکس میں شامل
ویرات کوہلی نے ٹی ٹونٹی انٹرنیشنلز میں صرف ایک ففٹی کو سنچری میں تبدیل کیا جبکہ بابر اعظم یہ کارنامہ تین مرتبہ انجام دے چکے ہیں۔ قبل ازیں پاکستان کرکٹ ٹیم کے کپتان بابر اعظم نے ٹی ٹونٹی انٹرنیشنل میں سب سے زیادہ ففٹی پلس سکور کرکے بھارتی کھلاڑی ویرات کوہلی کا ریکارڈ برابرکیا تھا۔ آئرلینڈ کے خلاف پہلے ٹی ٹونٹی میں بابر اعظم نے 57 رنز کی شاندار اننگز کھیل کر یہ کارنامہ سرانجام دیا۔ ویرات کوہلی نے109 ٹی ٹونٹی انٹرنیشنل اننگز میں 38 ففٹی پلس سکور کئے جبکہ بابر اعظم نے 108ویں اننگ میں 38واں ففٹی پلس سکور کیا تھا۔
ویرات کوہلی نے ٹی ٹونٹی انٹرنیشنلز میں صرف ایک ففٹی کو سنچری میں تبدیل کیا جبکہ بابر اعظم یہ کارنامہ تین مرتبہ انجام دے چکے ہیں۔ اس کے ساتھ ساتھ قومی ٹیم کے کپتان بابراعظم نے ٹی ٹونٹی کرکٹ میں ففٹی پلس سکور کی سنچری بھی مکمل کرلی ہے، وہ ٹی ٹونٹی میں 100 ففٹی پلس سکور کرنے والے دنیا کے چوتھے کھلاڑی ہیں۔
ان سے قبل سابق آسٹریلوی اوپنر ڈیوڈ وارنر اور جنوبی افریقہ کے جارح مزاج کرکٹر کرس گیل نے 110، 110 مرتبہ ففٹی پلس سکور کیا جبکہ بھارت کے ویرات کوہلی نے 105 مرتبہ مجموعی 50 پلس سکور کیا۔
